Re: [Zomi Center] Re: [ZONET] Zogam Mautam Concert kinei ding

Dear all,

Dr Sui Khar i cih pen CNF sungah Hakhanization ong hat luat ciang ong madawkto gawp-a hiven nidangin Pu No Than Kap in a bodyguard ahihna tawh san 1 pan san 3 ka khattoh hi (ama capability om zong ci ing). CNF buaina ong kum hi kei ing.

CNF, adiakin amakaite, le sanggam Khalkhate i zelhmang (mix) khak leh hoih hetlo ding hi. Amaute i si i sa khat mah uhi. Galkap thuneite Kawl hi uha, Kawl khempeuh galkat thuneite hikhinlo uhi.

Khua khat ah minam 2 om hi. A le B ci ni. A minamte in khua sat masate ahi uha B-te pen tua khua kiim-a teng khua tuamtuam pan ong lal uha khua nawl khat ah teng uhi. Hun kikheltoto-in khua sung geographical structure zong ong kikhel-a a lengla mite omna pen ong center suah zaw ahimanin tua minam 2 te kikal kizopna ah zong ong kilehbulhta hi. Kum sawtpi mah A le B kilemlo-in kido-in om zel uh tuni ciang hi. Khua sung vaihawmnate, khua puahphat nadingte, zin do, lengla do vaite, biakna vai tuamtuamte ah A in a vaihawmna ah B in panpihlo, B in a makaihna khat ah A in thupi simlo, cih bang tawh kiuitui thei mahmahlo hi. Mi luite in lah amau thuaknate ciamtehin khang thakte kiang muamsawn uh ahimanun khua khat-a teng, tui khat dawnkhawm ding-a A le B-te kilem thei vetlo uhi (Khamtung-a khua khempeuh-a apiang thei ding scenario khat gentehna hi).

Hih khua sungah ateng mite dinmun enleng minam A le B kikal kilemtuah theih nading asem ding pen A le B sungpan mah hi. Adiakin thungaihsun thei zawdeuh dinga kilawm milui, upate ahi uhi. Amau mahmah in a muhna uh akisam zah zaisak zolo, a lungsim uh khiam zolo-a thuluite mah satsuah zelin ong paipih uhciang ko khang thakte in ka cih nading thei nawnlo hi ung.

Cikciang khuasuak zo ding i hiam. Ei le ei i kilehpanna teng tawh i manawt ding zah kinawt zolo, thellen gawpta hang. Akta mangkuante banga i kituttutnate a lungdam gige a om ahilam lunghimawh mahmah ing. Deekte kitomna lungngaihhuai hi.

CNF-te S'pore ong pai lai-un kimuhkhop ding vai kikum ngei hi hang. S'pore-a makaite muanna tawh kimu, kikum ding ci-a gen ngei hing. Ei sungah 'le tu sar' ci-a ong kuan amaute limtak a deal thei ding, compromise zo ding kong muan luat man hi.

Minam ading sep zawh khat beek omlopi mahin ngaihsutna sung zel ing. Ngaih khialh ding aom leh.


Best rgds,
Kimpi

2009/7/8 Hang Khan Lian <hangkl@zomi.net>

Dear Rev. Pum Za Chin,

CNF te zin do teh ong ci hi peuhmah keng. Kei zindo aa nong ngawh ka genkikna hi. Lai hoihtak, teilaitak in nasim kik in.

Nang galzaakdan in ke'n CNFte zin na do in, kei zaak dan in nang sumtawh huh nading na makai leteh mankuan vai mahmah dinghihang.

Tua hang aa ih huhsa te tawh pha nailo ihiam? ong ci himah ing.

CNF te panpih nading, (mautaam huhna ahilo) a makai nang lian in ong za mah ing.

Nang, Chin Community aa ding na cihcih hang, tutak Chin minpua kipawlna peuhmah CNF te tawh kizom ahihlam thei tham in ong um ing. Tua CNF te ei adingin galkap kumpi sang asuuk zaw, Zomite luang leh ban tampi ih thaam zawkna ahihlam zong thei lai in ong um ing.

Tua hangin CNF tetawh kisai mimal aa huhte mimal in kikawk ding aa, kipawlna mintawh akihel, ahuhte kipawlna bup in kikawk, kipho lak dinghi. Banghanghiam cihleh Zomi bup gal cihtheih ahiman ahihi. Makaih, makaihloh tawh akisai thu hilo hi.

Na Zozi neih, na zi tung na cihtak luatna gengenloh nasungte tawh zong innkuan khat bangin na omkhawm ngei ung. Ong theitham ing. Singapore na Haggai kah lai pek aa kong theihhi.

Tua hi-in kineihna a omlo tawh hoihtak kalsuanni.

Hang Khan Lian

2009/7/8 pumza chin <pumzachin2000@yahoo.com>

Dear Sia Hang Khan Lian, Keima Pum Za Chin mimal leh Norway Zomi te min in lai at na hih man in hong thukkik ing. Nong theihsa mah bang in Zomi te a it ngiat, Zo zi anei, ka sung te Tombing beh hi in kei pen Suante beh hi ing. 2006 in Pu Nang Lian Thang te nupa leh Pa Kip te inn ah na tung sak ing. CNF te hi kei.UK pan in Sia GK Khual leh Sia Tha Mung te nupa zin na do ing. CNF te hi kei. Sia Khampeek te mi -6, asylum ngetna ah zin na do ing, CNF te hi kei. Pasian hehpih na tawh a vekpi un Pasian hehpih na tawh positive ngah uh hi. National Reconciliation Hero Award ki piak na ah ZNC makai pi Pu Chin Sian Thang vai in nasia tak in ma ki pang hi. CNF hi kei. Zomi tawh ki sai in ZOMUS; ZOLUS; ZYA; ZOFA; ZOFOP te ka huh zawh zah in a huh ban ah Zolai tawh ki at laibu te, La leh Lakhui te a it ngiat hi ing. Bek tham loh in, Zopau tawh biak piakna a deih den hi a, a ki cing kei zong in ZCF NOrway ah makai pi na sem hi veng e. Zomi te a ding ka tha sialna om nai lo hi. Tua ahih man in CNF te tha pai den in hong ngaih sun kei in. Zonet sung ah mimal a, ki kawk pen Zomi makai khat ding in ki lawm hong sa keng. Bang hehna nei mawk na hiam, makai khat na hih man in hehpih na tawh thu hong khual in , hong pilvang in, Leitung bup Zomi Innkuan na lawm te bang hong omkhin khian zaw le cin mipi in thupi hong sa zaw ding hi. Hih Europe gam a, Live Aid Chin Famine Concert pen Tongsan news hi lel hi. Mi dang te in kuppihna a neih hang in mimal in kuaman gen lo hi, nang bel a bang ci mawk na hiam. Nang leh kei ih kum zong ki khia khol lo kha ding a hih man in mailam ah private in lai hong at nawn kei ve ma taw. Hih Mautam vai in, Ko Chin Community in Norway te in sum ki dong a ZBC GS pa tung ah na khak hi ung. Mautam DVB zong na zuak sak ung. Norwegian Baptist Union te in zong sum kai khawm in ZBC GS pa in va pai lai hi. Tu lai tak in ZBC GS pa zong Norway hong zin laitak hi. Hih Live Aid Chin Famine Concert in Europe ah eimi lasiam te hong ki hel theih loh pen kei zong ka lung nuam kei mah. CHRO te in sum ki ngah te bang ci zat cih pen theih pih kei mah ing. Ngah na sang in piak khiat na ah lungdamna thupha lian zaw ci hi ven , ih ki hel leh maimang tuan sam dia. Piak loh pha mawh hi sam kei e. Na gal te na it in ci hi ve cin maw. Kei pen Stavanger Chin Organization ah makai pi in kum-4 na hi a, Chin Community In Norway ah zong makai pi mah na hi ka hih man in, keima position tawh ki sai in na ki sem hi lel hi. Nang mah bang in CNF makai te zin na do sawm keng. Gen ki zom loh ZYA te motor lei in Mandalay ah om ci ngel ve, nang ma nong pulak masak hi in nuam ngel hang ei. Na maban te ah Pasian in gualzawhna hong pia ta hen. Nang leh na innkuan pih te tung ah thupha om ta hen. Dam ni maw! Topa thupha Zomi sung ah na seppih, Pum Za Chin Note:- Zomi makai ding khat na hih leh na mipih ( member ) ding te mimal min tawh minsiat theih na ding lai gelh gelh nawn kei le cin hong deih sak ing. A tel siam ding in Pasian in thupha hong pia ta hen. --- Please use my new e-mail when replying: pumzachin@gmail.com --- On Wed, 7/8/09, Hang Khan Lian <hangkl@zomi.net> wrote: From: Hang Khan Lian <hangkl@zomi.net> Subject: [Zomi Center] Re: [ZONET] Zogam Mautam Concert kinei ding To: zomi@yahoogroups.com, ZIS97@yahoogroups.com, zomicenter@yahoogroups.com Date: Wednesday, July 8, 2009, 8:48 AM Europe, adiakdiak Norway aa om Zomite, CNF te huhna napiak uh phazo nailo nahi uhhiam? Mautaam paulam aa nasem uh ahihi. Ei kikaihkhop concert bawlna sum deih hilo uhhi. Mipi kikaihkhop paulam aa, ko makaihna ah kavek un kihel ung cih adeih uh ahihi. Hih mautaam ong paulap ma un CNF te ong zin kawikawi uh aa meeting ong sam uhhi. Kua mah akipai lohteh, hih thu ong vaihawm uh ahihi. Singapore ah mautaam concert ong bawl uh, anunung ni, lungdamkoh kikhopna ah Singapore aa amakaipa in, kikhopna aa aom keilo Dr Sui Khar tung ah alungdamna galkoh hi. Dr Sui Khar ihcihte, Victor Biak Lian icihte CNF te hi-in, Kawlgalkapte sang tam ong that zaw te hi. Sia Pum Za Chin in, "Na zin do-te" ong galcih ngei te ahihi. Concert paulam aa angah sum te, aneek tawm un beisak lel uhhi. A sum deih hilo in, hih min paulam in ong kaikhawm uh aa, ong met bawl uh ahihi. Hih ciang thei buang lehang kilawm mahmah hi. Hihciang theilo te lah mi lak ah na kihel dah mai le-uhteh kong cinuam dekdek hi. Thukhat om bilbel sa-ing. Biakna Sia, Thu-um mi-citak mahmah na hi uhhi. Na muhna uh taangzai, thupi khual zo ong sa-ing. Amunmun ah khat leh nih om kawikawi bilbel hang! "Pa that to khom guan" icihte na hi uh aa, ih Topa in, "Na galte uh na it un" acih theihloh kal aa azui kha na hi uhhi. Ahihhang theihloh man, ong kipii bawl nopsak man aa zuihkhaak hibek aa, thupha in kai lualo kha dinghi. Eisung kilung nopmawh nading in hibang peuh ong khah nawn dah un. No na lunggulh luat uhleh mimal in na kihel zaw mai un. Ngaihsutdan, muhdan kibanglo ihci phial zongin, hih mun ah kithu man zo lehang cih ka lunggulh mahmah hi. Hang Khan Lian On 7/8/09, Mang Za Pum <mangzapum@yahoo. com> wrote: Dear Sanggam te, Hih Pu Paul Thangpi le Pu Suan Tawng gen pen hi sa ing. Nidang Zogam ah ZBC sung ih om kim lai CCOC gammial nasep nang ci in Fund nasia tak in ki zong hi. Tua Fund zonna ah Director bang ei Zomi hi lai. Tua hun in KVBA (Kawlpi)le TBA (Tedim) ah mihau tam pen in Fund kilim zon pen a, huhna sum zong tam kingah pen hi. Huhna apia atam zaw ei Zomi hi. Tua hun a ZBC General Secretary Dr. Chum Awi hi in CCOC sum tam sa pian hiam Khalkha khua ah Hall pi lam nang in hon khat na sanction zeau hi. Tua pan ZBC sung buai hong kipan hi. Thawn Kham pen nunglam pek a Passport tawh abuai hi in ei Zomi lasiam dang om hi. Zomi te sam nuam taktak hi le uh sam ding hi. Tu-a Europe a hong pai mi (4) hi in Khalkha (3) lusei (1) hi. En a gim teng si, a mau hamphat le minthan teng ngah - cih khawng a hih ding pilvang huai. Ki dawp huai, Pumno US From: Suan Tawng <mr.suan@yahoo. com> To: zomi@yahoogroups. com Sent: Tuesday, July 7, 2009 8:18:39 AM Subject: Re: [ZONET] Zogam Mautam Concert kinei ding Dear All, Hih bang aa Zogam Mautam huh nang Fund zon na ding in na tuamtuam ii bawl theih thupi sa ing. Ahih hang thukhat ah pilvang huai sa mahmah ing. Bang hang hiam cih leh a buai teng ei Zomi teng khawng hi in, a sum a zang tatak pen ii lawm dang te khawng na hi thei hi. Ko zong nung Chin National Day, London ah fund zong nading concert na bawl ung. A buai teng ei Zomi vive hi na pi in a sum pen lawm dang ten a mau thu aa na zang ziau hi. Ken bel ei zong ii gim buang ii mipih (Zomi) ten zong hong theih pih leh hoih sa ing. Pilvang ciatni. Lung dam! Zomi Sungah, Suan Tawng London --- On Mon, 6/7/09, Paul Thang wrote: From: Paul Thang Subject: Re: [ZONET] Zogam Mautam Concert kinei ding To: zomi@yahoogroups. com Date: Monday, 6 July, 2009, 1:52 PM Dear Lawmte, Zogam Mautam huhna ding in 2007 kum in Germany Chin/Zomi te makaina tawh fund sum zonna in Tukpeng (football) kidemna nei in sum a ngah teng Mautam huhnang ci-in Thailand CHRO Director Victor Biak Lian kikhak hi. 2008 Chin/Zomi National Day ah Mautam fund zonna kinei kik in sum ngah teng mah CHRO Director Victor Biak Lian kikhak leuleu hi. Ka theih khilh kei leh tuni ciang dong Mautam huhnang sum hihzah ki ngah in, Zogam tua mun ah tua zah kipia, tua mun ah tua zah cihte kiza ngei vetlo hi. Ko Germany a Chin/Zomi makai te kadawt leh tua bang sumzatna hong khak ngei vet kei uh bel hong ci ven. Ka zak hiauhiau na ah hih CHRO, CNF makai pawlkhat in Chaingmai, Thailand ah Inn hoih nono lei uh cih second message zakna nei veng in. Zogam ih mulkimna tawh neilo pipi a ih piak mukhat piakhat te a zatna hong thei sak le uh a pia te ading lungkim huai ding hi ven. Ka zak sawnna pan kong gen kik hi. A thei khial ka hih leh hong mai sak un. Note tawh ma apang khawm, Paul Thangpi Germany On Mon, Jul 6, 2009 at 4:58 PM, Tongsan Weekly <tongsan@zomi. org> wrote: Dear Netters, A beisa 2006 kim a kipan Mautaam or Zusa hangin Zomi (Chin)te teenna mun Chin State(Zogam) , Mizoram(India) leh Bangladesh gam sung khua 200 kimah Zomi 100000 in gilkialna lianpi kithuak hi. Hih Mautaam kialpi or Zusa gal hangin leitungbup in Zomite (Chin) hong lim theih san mahmah laitak ahi hi. A diakdiak in Zogam Mautaam kialpi hangin gentheih /gilkialte huhna ding Chin Human Right Organization( CHRO)te makaihna tawh sumbul zonna a 1 veina (Chin-Zomi Famine Live Aid Concert)pen a beisa 2008 sungin Malaysia,Singapore, Thailand gamte banah Australia ah kinei in, Zogam (Kawlgam) pan lasa siam Tg. Sangpi, Lia Zamnu, Sung Tin Par, leh India gam pan Mi Mi leh SPi te kisam in sumzonna nasiatak kinei hi. Hih Zogam kialpi tungtang ah huhna pen gam tuamtuam pan kumpite, kipawlna (NGO) leh Zomi kipawlna tuamtuam pan kipia kawikawi khin cih thu kiza hi. Pasian thukimpihna leh CHRO te veiina mah tawh Europe gam sung Norway,Germany leh Denmark gamte ah a (2) veina Zogam kialpi sum bul zonna (Chin Famine Live Aid Concert) anuai a hun leh nite ah kinei leuleu ding cih kiza hi. Zogam mah pan lasa siam Sung Tin Par,Dawt Hlei Hniang,Cung Lian Thawng leh Solomon te kisam a, tu laitak Germany leh Denmark ah a tawlngak laitak uh ahi hi. Zomi(Tedim) sung pan lasa dingin Pa Thawn Kham zong kisam a, passport zekaina hang in hong kihel thei lo sawnsawn ahih manin i lungnuam het lo hi. Europe gamah Denmark ah Zomi vekpi 800 kim kipha a,Germany ah 150 leh Norway ah 1000 bang ki om hi. Chin Famine Live Aid Concert hungeelna a nuai a bangin kinei ding cih thukiza hi. (1) July 10-12,2009 sung Denmark (2) July 20,2009 Stavanger City,Norway (3) July 26,2009 Oslo City, Norway (4) Aug 1,2009 Germany Pasian in thupha hong piak ciangin ei bek ading leh kepcip ding a hong piak hi lo hi. Khristian nuntakna pen ei a ding hi loin, midangte a ding nuntakna ahi hi. Zomi laizomte gilkial dangtaak in a kikona uh i bil kha in zaza bek loin, hih zawh zahzah tawh mapang khawm ding Pasian deihna ahi hi. Topa pasian in Zomite thupha pia ta hen. Minam lai lam tawh thukizakna, Tongsan Reporter

__._